Charla: "Flipando en colores"

A Dra. Conchi Lillo, neurocientífica da Universidad de Salamanca e experta en neurobioloxía da visión visitou o IES Universidade Laboral, IES Ferro Couselo de Ourense e o IES Aquis Querquernis de Bande, para impartir unhas charlas sobre a visión organizadas pola profesora de bioloxía Ilda Blanco. Na charla impartida no noso instituto, titulada “Flipando en colores”, explicou aos nosos alumnos de 4º da ESO, 1º e 2º de bacharelato de bioloxía, como funciona a visión, que son e que tipos de sinestesias hai, a natureza xenética das cores dos nosos ollos e as súas anomalías, e comparou a nosa visión coa de diferentes animais. O alumnado participou activamente respondendo e facéndolle moitas preguntas. A Dra. Lillo quedou encantada coa actitude amosada polos nosos rapaces e rapazas. Moitas grazas Conchi pola túa xenerosidade!
Tamén foi entrevistada en RadioLaboral
https://go.ivoox.com/rf/166979827