Historia das mulleres ourensás

Rosa Cid Galante, Licenciada en Xeografía e Historia na USC, doutora en Xeografía e Historia pola UVigo, título que acadou coa tese de doutoramento Muller e educación en Ourense, Diplomada en Educación Xeral Básica (EXB) e licenciada en Psicopedagoxía, volveu a Laboral, que foi o seu centro de traballo durante moitos cursos, para dar unha conferencia sobre a muller ourensá nos primeiros anos do século XX.
No seu blog: mulleresourensas.blogspot.com, podedes coñecer historias de mulleres que axudaron a conseguir dereitos que antes lles estaban vetados.
A frase para rematar a interesante conferencia foi recordarlles aos rapaces e rapazas que a educación é a que nos libera, para ter pensamento crítico e non ser manipulables.