CM de Condución de Vehículos de Transporte por Estrada
Preparámoste para obter os carnets de conducir nas categorías C1, C1+E, C, C+E, D1, D1+E, D ou D+E.
Tamén te preparamos para obter o CAP (Certificado de Aptitude Profesional):
- O CAP é un certificado obrigatorio para os condutores profesionais de vehículos de transporte de mercadorías e viaxeiros. Acredita que o condutor superou a formación inicial e continua para garantir a cualificación e a seguridade no transporte por estrada. A tarxeta CAP, que acredita a validez do certificado. O CAP é un certificado complementario aos permisos de conducir das categorías C1, C1+E, C, C+E, D1, D1+E, D ou D+E. Serve para acreditar que o condutor superou a formación obrigatoria esixida pola normativa da Unión Europea, incluíndo a cualificación inicial e a formación continua.
E todo sen custe pola túa parte porque somos un centro público. Ademáis traballas e estudias ao mesmo tempo (en xornada de tarde).
A competencia xeral deste título consiste e:
- Realizar o mantemento básico e inspeccións de vehículos, levando a cabo as operacións descritas nas instrucións e no plan de mantemento.
- Preparar a documentación relativa ao condutor, pasaxeiros, carga e vehículo, segundo os requisitos da operación que se vai realizar.
- Realizar as operacións de embarque de pasaxeiros, recollida e entrega de carga e carga e descarga de vehículos, aplicando a normativa correspondente e os protocolos establecidos.
- Conducir vehículos en vías urbanas e interurbanas, cumprindo as normas establecidas de tráfico, seguridade viaria e transporte por estrada.
- Conducir vehículos de forma racional e segura en vías urbanas e interurbanas, aplicando técnicas de condución preventiva e as accións necesarias.
O alumnado vai realizar a fase práctica en diferentes empresas de transporte ourensás.
Réximes: DUAL intensivo (horario de tarde)
Horario:
- DUAL intensivo: horario de tarde (pode variar a hora de entrada e saída cada curso en función do convenio)
Ciclo formativo de grao medio: 2000 horas /dous cursos académicos
Consultar perfil do ciclo: 
Como se trata dun ciclo novo no centro, deixamos un vídeo informativo xenérico do que é este ciclo. É recorda: o ciclo é polas tardes, o que non impide realizar outros traballos polas mañás, en modalidade DUAL intensiva, o que supón que se estudia e se traballa ao mesmo tempo en diversas empresas de transporte ourensás.
